Sənaye və energetika

Ana səhifə

Qlobal neft tələbatı bu ilin sonunda bərpa ola bilər

28 mart 2022 13:50 (UTC +04:00)

Qlobal neft tələbatının COVID-19 pandemiyasından əvvəlki səviyyəyə qayıtması cari ilin sonuncu rübündə mümkün ola bilər.

“APA-Economics”in Rusiya mətbuatına istinadən verdiyi xəbər görə, bu barədə BƏƏ-nin sənaye və qabaqcıl texnologiyalar naziri Sultan Əl Caber Qlobal Enerji Forumu zamanı bildirib.

Onun sözlərinə görə, təklif yaxın gələcəkdə tələbə nisbətən azalmağa başlayacaq.

O əlavə edib ki, hazırda neftə olan gündəlik tələbat ötən illə müqayisədə təxminən 3 mln. barel artıb.

Nazir onu da bildirib ki, neft-qaz sənayesinə illik investisiya qoyuluşları tələb olunan səviyyədən 200 milyard dollar azdır və bu sahəyə investisiyaların uzun müddət ərzində azalması bazarlarda risklər yaradıb.

Sultan Əl Caberin sözlərinə görə, BƏƏ 2030-cu il üçün gündəlik neft hasilatını 5 milyon barelə çatdıracaq və mayeləşdirilmiş təbii qazın (LNG) ixracını artırmaq üçün qaz hasilat 30% yüksəldəcək.