Trans-Adriatik Boru Kəmərinin (TAP) ötürmə qabiliyyətinin daha da artırılması ilə bağlı yekun investisiya qərarın 2026-cı ilin yanvarında qəbul edilməsi gözlənilir.
"APA-Economics" xəbər verir ki, bu barədə Cənub Qaz Dəhlizi Məşvərət Şurası nazirlərin 11-ci iclası və Yaşıl Enerji Məşvərət Şurası nazirlərin 3-cü iclası çərçivəsində keçirilən plenar sessiya zamanı SOCAR-ın vitse-prezidenti Elşad Nəsirov bildirib.
Onun sözlərinə görə, genişləndirmənin birinci mərhələsi TAP-ın ötürmə qabiliyyətini ildə 1,2 milyard kubmetr artıracaq və kommersiya istismarına başlaması 2026-cı ilin dekabr ayına planlaşdırılır.
Elşad Nəsirov onu da qeyd edib ki, 2023-cü ildə keçirilmiş bazar sınaqlarının nəticələrinə əsasən TAP-ın daha da genişləndirilməsi imkanları da nəzərdən keçirilir. Tenderdə iştirak üçün ərizələrin qəbulu 2025-ci ilin dekabrında başa çatacaq, bundan sonra yekun qərarın 2026-cı ilin yanvarında qəbul edilməsi planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
