Xəzərin Azərbaycan sektorunda yerləşən “Şahdəniz” qaz-kondensat yatağı həm Türkiyənin, həm də Avropanın təbii qaz təhlükəsizliyinə mühüm strateji töhfə verir.
“APA-Economics” xəbər verir ki, bunu Türkiyə Petrolları Anonim Ortaqlığının (TPAO) baş direktoru Cem Erdem Azərbaycan-Türkiyə 5-ci Enerji Forumunda çıxışı zamanı bildirib.
O qeyd edib ki, Türkiyə ilə Azərbaycan arasında enerji sektoru strateji əməkdaşlığın əsas istiqamətlərindən biridir. TPAO-nun bu əməkdaşlıqda uzun illərdir iştirak etdiyini bildirən Cem Erdem şirkətin 1994-cü ildə Azəri-Çıraq-Günəşli layihəsi ilə Azərbaycandakı fəaliyyətinə başladığını xatırladıb.
Onun sözlərinə görə, TPAO hazırda “Azəri-Çıraq-Günəşli” layihəsində neft, “Şahdəniz”də isə təbii qaz və kondensat hasilatında tərəfdaş kimi fəaliyyət göstərir. Şirkət həmçinin Bakı-Tbilisi-Ceyhan əsas ixrac boru kəməri vasitəsilə Azərbaycan neftinin Türkiyə və dünya bazarlarına daşınmasında iştirak edir.
“Azəri-Çıraq-Günəşli Türkiyə-Azərbaycan enerji əməkdaşlığının ən mühüm strateji layihələrindən biridir. “Şahdəniz” isə həm Türkiyənin, həm də Avropanın təbii qaz təhlükəsizliyinə mühüm mühüm töhfələr verir”, - TPAO-nun baş direktoru vurğulayıb.
Cem Erdem bildirib ki, TPAO Azərbaycandakı fəaliyyətini mövcud layihələrlə məhdudlaşdırmaq niyyətində deyil. Şirkət yatırımlarını artırmaq və SOCAR-la əməkdaşlığını yeni layihələrə genişləndirmək istəyir. O, 2025-ci ildə “Şəfəq-Asiman” layihəsində tərəfdaşlığın bu siyasətin nümunələrindən biri olduğunu qeyd edib.
TPAO-nun baş direktoru əlavə edib ki, qlobal və regional proseslər uzunmüddətli və etibarlı tərəfdaşlığın əhəmiyyətini artırır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
