Bu ilin aprel ayında Azərbaycan enerjisi sistemində 1,769 mlrd. kVt/saata yaxın elektrik enerjisi istehsal olunub.
“Azərenerji” ASC-nin ictimaiyyətlə əlaqələr və mətbuat xidmətindən “APA-Economics”ə verilən məlumatda qeyd edilib ki, bu da 2016-cı ilin aprel ayı ilə müqayisədə 5,55% çoxdur.
Bu ilin ilk 4 ayı ərzində “Azərenerji” ASC tərəfindən istehsal edilən elektrik enerjisinin həcmi 7,897 mlrd. kVt/saat olub ki, bu da 2016-cı ilin yanvar-aprel ayları ilə müqayisədə 4,32% çoxdur.
Bununla yanaşı, ay ərzində ölkə enerji sisteminin əlaqəsi olan qonşu dövlətlər ilə elektrik enerjisi mübadiləsi davam etdirilib.
Qeyd edək ki, ötən ilin aprel ayı ölkə üzrə 1,676 mlrd. kVt/saat elektrik enerjisi istehsal edilib. 2016-cı ilin ilk 4 ayı üzrə isə bu göstərici 7,570 mlrd. kVt/saat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
