Bakı. Aynur Əliyeva – APA-Economics. Azərbaycan Dövlət Neft Şirkətinin (ARDNŞ) Türkiyədə sahib olduğu və Türkiyənin neft-kimya sənayesində yeganə xammal istehsalçısı olan “Petkim”in limanı 2015-ci ilin sentyabr ayında işə başlayacaq.
“APA-Economics”in Türkiyə mətbuatına istinadən verdiyi məlumata görə, bunu “Petkim”in İdarə Heyətinin sədri Kənan Yavuz bildirib.
Onun sözlərinə görə, konteyner limanının ilk mərhələsi 2015-ci ilin sentyabr ayında fəaliyyətə başlayacaq.
“İkinci mərhələsi isə 2016-cı ilin noyabr ayında işə düşəcək”, - deyə o qeyd edib.
“Petkim”in baş direktoru Sadəddin Korkut isə deyib ki, şirkətin 2014-cü il üçün planlaşdırılan sərmayənin büdcəsi 115 mln. dollar təşkil edir.
2008-ci ildən 2014-cü ilə qədər şirkətə qoyulan sərmayənin həcmi 500 mln. dollara çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
