Bakı. Aqşin Rafiqoğlu – APA-Economics. Ölkədə havaların kəskin soyuması ilə əlaqədar Azərbaycan Dövlət Neft Şirkətinin «Azəriqaz» İstehsalat Birliyi təbii qazın əhali və qeyri əhali sektoruna verilən həcmini artırıb. Bu barədə «APA-Economics»ə qurumun mətbuat xidmətinin rəhbəri Araz Ağayev bildirib.
Onun sözlərinə görə, martın 29-dan 30-na keçən gün ərzində verilən təbii qazın sərfiyyat həcmi 4 mln. kubmetr artırılıb: «Belə ki, martın 29-da bu rəqəm 16,9 mln. kubmetr idisə, martın 30-da havaların kəskin soyuması ilə əlaqədar bu rəqəm 20,9 mln. kubmetrə çatdırılıb».
A.Ağayev deyib ki, əhalinin təbii qazla təchizatında heç bir problem yaranmayıb: «Havalar bundan sonra da soyuyacaqsa, tələbata uyğun olaraq əhaliyə verilən təbii qazın sərfiyyatını daha da artıra bilərik. Havaların istiləşəcəyi halda, əhalinin təbii qazla təminatı müvafiq tələbata uyğun olaraq tənzimlənəcək».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
