"Anglo Asian Mining" əməliyyat şirkəti 2017-ci ilin I rübündə Gədəbəy rayonunda yerləşən yataqlardan hasil edilən qızıl və gümüşün həcmi açıqlanıb.
"APA-Economics" şirkətin açıqladığı hesabata istinadən xəbər verir ki, 2016-cı ilin sonuncu rübü ilə müqayisədə bu ilin I rübündə Gədəbəy yataqlarından hasil edilən qızıl və gümüşün həcmi azalıb, mis istehsalı artıb.
Bildirilir ki, şirkət tərəfindən hesabat dövründə 11 078 unsiya qızıl hasil edilib. Bu, 2016-cı ilin IV rübü ilə müqayisədə 28,45% azdır. Belə ki, 2016-cı ilin IV rübündə şirkət tərəfindən hasil edilən qızıl həcmi 15483 unsiyaya bərabər olub.
Məlumata görə, hesabat dövründə 606 ton mis, 39 369 unsiya gümüş istehsal olunub. Başqa sözlə, 2016-cı ilin 3 ayı ilə müqayisədə bu ilin eyni dövründə gümüş istehsalı 21,6% azalıb, mis istehsalı isə 4,84% artıb.
Bildirilib ki, bu ilin I rübündə 8 283 unsiya qızıl satılıb ki, bunun da hər unsiyasının orta qiyməti 1 120 dollar təşkil edib. Başqa sözlə, şirkət qızıl satışından 10 105 260 ABŞ dolları gəlir əldə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
