Bakı. Aqşin Rafiqoğlu - APA-Economics. Azərbaycan Dövlət Neft Şirkətinin (SOCAR) “Azəriqaz” İstehsalat Birliyi bu ilin iyun ayları üçün abunəçilərdən təbii qazın istehlakına görə yığım səviyyəsini açıqlayıb.
SOCAR-dan “APA-Economics”ə verilən məlumata görə, bu i ilin iyun ayı ərzində “Azəriqaz” əhali sektoru üzrə 5 127 yeni abonent qeydiyyata alınıb. Bunun da 1 624-ü Bakı və Sumqayıt şəhərlərinin, eləcə də Abşeron rayonunun, 3 503-ü isə regionların payına düşüb.
Həmin dövrdə əhali sektoru üzrə 72 537 868 kubmetr həcmində təbii qaz satılıb və qarşılığında 136,5% vəsait toplanıb. Qeyri-əhali sektoru üzrə isə 104 967 743 kubmetr həcmində təbii qaz satılıb və qarşılığında 108,6% vəsait toplanıb.
Qeyd edək ki, bu ilin iyulun 1-ə olan məlumata görə, əhali sektoru üzrə 123 964 məcburi köçkün ailəsi fasiləsiz təbii qazla təmin olunub. Bundan əlavə, qeyri-əhali sektoru üzrə 324 məscid və dini məbədə təbii qazdan əvəzsiz istifadəsi üçün limit ayrılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
