Türkiyənin İzmir vilayətinin Əliağa qəsəbəsində yerləşən və "Petkim Petrokimya Holding AŞ"-yə məxsus külək elektrik stansiyasının tikintisi bu ilin iyun ayında yekunlaşacaq. "APA-Economics" xəbər verir ki, bunu holdinqin baş direktorunun layihələndirmə və investisiyalar üzrə müavini Bilal Quliyev bildirib.
Onun sözlərinə görə, hazırda elektrik stansiyasının 14 ədəd turbinin tikintisi yekunlaşıb: "Stansiyada cəmi 17 ədəd turbin olacaq ki, onların da hər biri 3 meqavatt gücündə elektrik enerjisi istehsal etmək qabiliyyətində olacaq".
B.Quliyev əlavə edib ki, hazırda "Petkim" 42 meqavatt gücündə elektrik enerjisi sata bilir. "İyun ayında 3 turbinin tikintisinin başa çatdıqdan sonra tam, yəni 51 meqavatt gücdə satışa başlanılacaq".
Holdinq rəsmisinin sözlərinə görə, ötən ay artıq elektrik enerjisinin satışını həyata keçirmək müvafiq lisenziyalar alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
