Bakı - APA-Economics. "Təmiz Şəhər" ASC-nin təmsilçisi Dövlət İdarəçilik Akademiyasında “Təbiətdən istifadə və ətraf mühitin mühafizəsinin dövlət tənzimlənməsi” istiqaməti üzrə keçirilən dövlət qulluqçularının ixtisasartırma kursunda mühazirə ilə çıxış edib.
ASC-dən "APA-Economics"ə verilən məlumata görə, 29 fevral - 4 mart tarixlərində keçirilən qısamüddətli kurs Prezident İlham Əliyevin 11.12.2014-cü il tarixli fərmanına əsasən təşkil olunub.
ASC-nin sektor müdiri Faiq Məmmədov martın 3-də “Məişət tullantılarının davamlı inkişaf naminə optimal idarə edilməsi” mövzusunda kurs çərçivəsində təqdimat edib. Çıxış zamanı o, Bakı şəhərində bərk məişət tullantılarının idarə edilməsi sistemi, onun iş prinsipi barədə geniş məlumat verib. "Təmiz Şəhər" ASC-nin idarə etdiyi zavodların, eyni zamanda yaşıl iqtisadiyyata dəstək verən və Qafqazda ilk və yeganə eko-sənaye parkı olan Balaxanı Sənaye Parkının fəaliyyəti barədə danışıb.
Tədbir diskussiya şəklində keçirilib, fikir mübadiləsi aparılıb və dövlət qulluqçularını maraqlandıran suallar cavablandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
