Bakı. Aqşin Rafiqoğlu - APA-Economics. Bu ilin yanvar-may aylarında Azərbaycanda maşın və avadanlıqların, nəqliyyat vasitələri, avtomobil və qoşquların istehsalı sahələrində 108,2 mln. manatlıq məhsul istehsal edilib.
Dövlət Statistika Komitəsindən “APA-Economics”ə verilən məlumata görə, əvvəlki ilin yanvar-may ayları ilə müqayisədə maşın və avadanlıqların istehsalı 26,7%, nəqliyyat vasitələrinin istehsalı 26,3%, avtomobil və qoşquların istehsalı isə 26,2% azalıb.
Belə ki, ötən beş ay ərzində Azərbaycanda 325 ədəd minik avtomobili istehsal edilib. Bu, 2014-cü ilin yanvar-may ayları ilə müqayisədə 68,8% azdır. Nəticədə bu ilin iyun ayının 1-nə 330 ədəd hazır məhsul ehtiyatı yaranıb.
Ötən beş ay ərzində ölkədə 130 ədəd yük avtomobili istehsal edilib. Bu da əvvəlki ilin müvafiq dövrünə nisbətən 4,0% çoxdur.
Bundan başqa, ötən aylar ərzində 260 ədəd xüsusi təyinatlı kommunal maşınları istehsal edilib. Nəticədə bu ilin iyun ayının 1-ə 45 ədəd hazır məhsul ehtiyatı yaranıb.
Yanvar-may aylarında 451 ədəd traktor istehsal edilib ki, bu da ötən ilin yanvar-may ayları ilə müqayisədə 16% azdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
