Bakı. Aqşin Rafiqoğlu - APA-Economics. Ötən il ərzində Azərbaycanda maşın və avadanlıqların, nəqliyyat vasitələri, avtomobil və qoşquların istehsalı müəssisələri tərəfindən 401,7 mln. manatlıq məhsul istehsal edilib.
Dövlət Statistika Komitəsindən “APA-Economics”ə verilən məlumata görə, əvvəlki ilin yanvar-dekabr ayları ilə müqayisədə maşın və avadanlıqların istehsalında 10,2% azalma, avtomobil və qoşquların istehsalında 58,2%, nəqliyyat vasitələrinin istehsalında isə 3,4 dəfə artım müşahidə olunub.
Belə ki, ötən il Azərbaycanda 1 861 ədəd minik avtomobili istehsal edilib. Bu, 2013-cü illə müqayisədə 4,4 dəfə çoxdur. Nəticədə bu ilin yanvarın 1-nə 304 ədəd hazır məhsul ehtiyatı yaranıb.
Bu müddət ərzində ölkədə 284 ədəd yük avtomobili istehsal edilib ki, bu da 2013-cü illə müqayisədə 15,4% artım deməkdir.
Ötən il ərzində ölkədə kotan istehsalı 33,4% artaraq 942 ədəd, traktor istehsalı isə 71,2% artaraq 1 265 ədəd təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
