Bakı. Aqşin Rafiqoğlu – APA-Economics. Azərbaycan Dövlət Neft Şirkəti (ARDNŞ) Marketinq və İqtisadi Əməliyyatlar İdarəsi bu ilin aprel ayında Novorossiysk (Qara dəniz, Rusiya) limanından 84 482 ton xam neft ixrac edib.
ARDNŞ-dən “APA-Economics”ə verilən məlumata görə, bu, ötən ilin eyni dövrü ilə müqayisədə 46,9% azdır.
Bu müddət ərzində Supsa (Qara dəniz, Gürcüstan) limanından 242 035 ton və ya ya ötən ilin eyni dövrü ilə müqayisədə 0,13% az, Ceyhan (Qara dəniz, Türkiyə) limanından isə 2 086 186 ton və ya 12,2% çox xam neft ixrac edilib.
Ümümilikdə yanvar-aprel ayları ərzində Novorossiysk limanından 338 812 ton və ya ötən ilin 4 ayı ilə müqayisədə 40,6% az neft ixrac edilib. Bu müddət ərzində Supsa limanından 1 049 219 ton və ya 0,7% çox, Ceyhan limanından 6 781 159 ton və ya 5,6% çox xam neft ixrac edilib.
ARDNŞ tərəfindən ixrac olunmuş xam neftin göstəriciləri həm Azərbaycan dövlətinə, həm də ARDNŞ-ə məxsus xam neft həcmlərini əks etdirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
