Bakı. Aqşin Rafiqoğlu - APA-Economics. Bu ilin fevral ayında Azərbaycanın enerji sistemində 1,9 mlrd. kVt/saatdan artıq elektrik enerjisi istehsal edilib.
"Azərenerji" ASC-nin Mətbuat xidmətindən "APA-Economics"ə verilən məlumata görə, bu, ötən ilin eyni dövrü ilə müqayisədə 5% azdır.
Bu ilin ötən yanvar-fevral ayları ərzində isə 4 mlrd. kVt/saata yaxın elektrik enerjisi istehsal edilib ki, bu da ötən ilin iki ayı ilə müqayisədə 4,76% azdır.
Bununla yanaşı, ay ərzində ölkə enerji sisteminin əlaqəsi olan qonşu dövlətlər ilə elektrik enerjisi mübadiləsi davam etdirilib.