Bakı. Aqşin Rafiqoğlu - APA-Economics. Bu ilin yanvar-avqust ayları ərzində Azərbaycanda maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 177 mln. manatlıq məhsul istehsal edilib.
Dövlət Statistika Komitəsindən "APA-Economics"ə verilən məlumata görə, bu, əvvəlki ilin yanvar-avqust ayları ilə müqayisədə maşın və avadanlıqların istehsalı 12,3%, sair nəqliyyat vasitələrinin istehsalı 5,1% azalıb, avtomobil və qoşquların istehsalı isə 25,6% artıb.
Belə ki, bu ilin yanvar-sentyabr ayları ərzində ölkədə 119 ədəd minik avtomobili istehsal olunub. Bu, əvvəlki ilin eyni dövrü ilə müqayisədə 67,8% azdır. Bu ilin sentyabr ayının 1-ə 157 ədəd hazır minik avtomobili ehtiyatı yaranıb.
Bu ilin səkkiz ayı ərzində ölkədə 376 ədəd yük avtomobili istehsal edilib. Bu da əvvəlki ilin 8 ayı ilə müqayisədə 78,2% çoxdur.
Bundan başqa, bu ilin 8 ayı ərzində 992 ədəd xüsusi təyinatlı kommunal maşınları istehsal edilib. Bu da əvvəlki ilin 8 ayı ilə müqayisədə 2,1 dəfə çoxdur. Nəticədə bu ilin sentyabrın 1-ə 466 ədəd hazır məhsul ehtiyatı yaranıb.
Bu ilin yanvar-avqust ayları ərzində 626 ədəd traktor istehsal edilib ki, bu da 2015-ci ilin 8 ayı ilə müqayisədə 6,6% azdır. Nəticədə bu ilin sentyabrın 1-ə 2 ədəd hazır məhsul ehtiyatı yaranıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
