Bakı. Aqşin Rafiqoğlu - APA-Economics. Bu ilin yanvar-noyabr ayları ərzində Azərbaycanda sənayenin mədənçıxarma bölməsində istehsalın həcmi 15 mlrd. manat olmaqla əvvəlki ilin yanvar-noyabr aylarının səviyyəsini 2,8% üstələyib.
“APA-Economics”in Dövlət Statistika Komitəsinə istinadən verdiyi məlumata görə, sahənin əsas məhsulu olan xam neftin hasilatı 38,3 mln. ton, əmtəəlik təbii qazın hasilatı isə 18,1 mlrd. kubmetr təşkil edib. Neft hasilatı 0,4% azalıb, qaz hasilatı isə 6,3% artıb.
Belə ki, bu ilin yanvar-noyabr ayları ərzində ölkədə 38,316 mln. ton xam neft (qaz kondensatı daxil olmaqla) istehsal olunub. Bu, ötən ilin on ayna nisbətən 0,5% azdır. Nəticədə bu ilin dekabrın 1-ə 342,8 min ton hazır məhsul ehtiyatı yaranıb.
Bunun 38 mln. 262,5 min tonu əmtəəlik xam neftdir ki, bu da daha əvvəlki illə müqayisədə 0,4% azdır.
Bu ilin on bir ayı ərzində ölkədə 27 093,9 mln. kubmetr təbii qaz istehsal olunub. Bu, 2014-cü ilin yanvar-noyabr aylarının göstəriciləri ilə müqayisədə 0,2% azdır. Nəticədə bu ilin dekabrın 1-ə 788,6 min kubmetr hazır məhsul ehtiyatı yaranıb.
Bunun da 18 068,1 mln. kubmetr əmtəəlik təbii qazdır ki, bu da ötən ilin eyni dövrü ilə müqayisədə 6,3% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
