Bakı. Aqşin Rafiqoğlu - APA-Economics. Azərbaycan Dövlət Gömrük Komitəsi bu ilin yanvar-mart ayları üçün neft və neft məhsullarının ixracı haqqında məlumatları açıqlayıb.
“APA-Economics” komitənin açıqladığı statistikaya istinadən xəbər verir ki, bu ilin üç ayında sayğac göstəriciləri əsasında ümumilikdə 8 146 134,88 min ton xam neft ixrac edib. Bu, 2015-ci ilin yanvar-mart ayları illə müqayisədə 3,22% azdır.
Ötən üç ay ərzində Bakı-Tbilisi-Ceyhan boru kəməri ilə 6 899 477 min ton xam neft ixrac edilib ki, bu da 2015-ci ilin yanvar-mart ayı ilə müqayisədə 3,30% çoxdur.
Ötən ay Supsa boru kəməri ilə 2015-ci ilin yanvar ayı ilə müqayisədə 1,28% çox və ya 1 106 852,80 min ton xam neft ixrac edilib. Şimal boru kəməri ilə 79 957 min ton xam neft nəql edilib ki, bu ötən ilin yanvar-mart ayları ilə müqayisədə 4,24 dəfə azdır.
Yanvar-mart ayları ərzində dəmir yolu nəqliyyatı ilə 59 848,08 min ton xam neft göndərilib ki, bu da 2015-ci ilin yanvar ayı ilə müqayisədə 5,11 dəfə azdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
