Bu ilin yanvar-aprel ayları ərzində Azərbaycan 276 mln. 201,42 min ABŞ dolları dəyərində 1 mln. 705 min 122,52 kubmetr təbii qaz ixrac edib.
Bu barədə "APA-Economics" Dövlət Gömrük Komitəsinin xarici ticarətin gömrük statistikasının aylıq hesabatına istinadən məlumat verib.
Məlumata görə, bu, həcm baxımından ötən ilin yanvar-aprel ayları ilə müqayisədə 1 mln. 77 min 869,14 kubmetr və ya 2,72 dəfə çoxdur. Məbləğ baxımından isə illik nisbətdə 192 mln. 611,19 min dollar və ya 3,30 dəfə çoxdur.
Qeyd edək ki, 2016-cı ilin yanvar-aprel aylarında Azərbaycandan xarici ölkələrə 83 mln. 590,23 min dollar dəyərində 627 min 253,38 kubmetr təbii qaz ixrac edilib.
Qeyd edək ki, təbii qazın ixracı Azərbaycanın bu ilin 4 ayının ümumi ixracının 8,05%-ni təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
