Bakı. Aynur Əliyeva – APA-Economics. Azərbaycanda təbii qazla təmin olunan abonentlərin sayı 1,7 milyonu keçib.
“APA-Economics”in məlumatına görə, bu barədə “Azəriqaz” İstehsalat Birliyinin baş direktoru Əkbər Hacıyev “Əsrin müqaviləsi”nin imzalanmasının 20-ci ildönümünə həsr olunan tədbirdə çıxışı zamanı bildirib.
Ə. Hacıyev əlavə edib ki, “Azəriqaz” İB-nin fəaliyyət göstərdiyi 2009-2014-cü illər ərzində 26 min kilometrdən çox yeni qaz kəmərləri quraşdırılıb, təxminən 8 min kilometr uzunluğunda qaz kəmərləri əsaslı təmir edilib, 691 yaşayış məntəqəsi qazlaşdırılaraq təbii qaz verilib.