Sənaye və energetika

Ana səhifə

Azərbaycanda benzinin istehlakı artıb

19 avqust 2014 12:05 (UTC +04:00)

Bakı. Aqşin Rafiqoğlu – APA-Economics. Bu ilin ilk altı ayında Azərbaycanda 1 710,9 min ton əsas növ neft məhsulları istehlak olunub.

“APA-Economics”in Dövlət Statistika Komitəsinə istinadən verdiyi məlumata görə, bu, əvvəlki ilin müvafiq dövrünə nisbətən 2,7% və ya 44,6 min ton çoxdur.

İstehlak olunmuş əsas növ neft məhsullarının 39,9%-ni avtomobil benzini, 34%-ni dizel yanacağı, 11,2%-ni aviasiya üçün və sair ağ neft, 6%-ni neft bitumu, 4%-ni maye qaz, 3,9%-ni nafta, 0,6%-ni sürtgü yağları, 0,3%-ni mazut yanacağı, cüzi hissəsini isə neft koksu təşkil edib.

Belə ki, bu ilin birinci yarım ilində ölkədə avtomobil benzininin istehlakı 5,8% artaraq 681,8 min ton olub. Bu müddət ərzində aviasiya üçün və sair ağ neftin istehlakı 5,4 dəfə artaraq 191,5 min ton təşkil edib. Başqa əsas növ neft məhsullarının istehlakı isə azalıb.

İstehlakı azalan neft məhsullarından dizel yanacağı 9,8% azalaraq 581,8 min ton, naftanın istehlakı 12,1% azalaraq 66,9 min ton, mazut yanacağının istehlakı 68,3% azalaraq 5,7 min ton təşkil edib.

Bu ilin yanvar-iyun aylarında maye qazın istehlakı 5% azalaraq 68,7 min ton, neft koksunun 61,1% azalaraq 0,7 min ton, neft bitumunun istehlakı 31,6% azalaraq 102,8 min ton, sürtgü yağlarının istehlakı isə 53,2% azalaraq 11 min ton olub.