Bakı. Aqşin Rafiqoğlu - APA-Economics. Bu ilin may ayında Azərbaycanın enerji sistemində 1,6 mlrd. kVt/saatdan artıq elektrik enerjisi istehsal edilib.
“Azərenerji” ASC-dən “APA-Economics”ə verilən məlumata görə, bu, ötən ilin analoji dövrü ilə müqayisədə eynidir.
Bu ilin ötən 5 ayı ərzində isə 9,6 mlrd. kVt/saatdan artıq elektrik enerjisi istehsal edilib ki, bu da ötən ilin yanvar-may ayları ilə müqayisədə 3,2% artım deməkdir.
Bununla yanaşı, ay ərzində ölkə enerji sisteminin əlaqəsi olan qonşu dövlətlər ilə elektrik enerjisi mübadiləsi davam etdirilib.