Bakı. Aqşin Rafiqoğlu - APA-Economics. Bu ilin mart ayında Azərbaycanda sənaye məhsullarının istehsalçı qiymətləri əvvəlki ayla müqayisədə 15,2%, o cümlədən mədənçıxarma sənayesi üzrə 17,3%, emal sənayesi üzrə isə istehsalçı qiymətləri 4,8% bahalaşıb.
“APA-Economics”in Dövlət Statistika Komitəsinə istinadən verdiyi məlumata görə, bu ilin mart ayında mədənçıxarma sənayesi bölməsində istehsalçı qiymətlərində xam neft və təbii qaz hasilatı üzrə 17,3%, daş, qum, çınqıl, duz və digər mədənçıxarma sənayesi məhsullarının hasilatı üzrə isə istehsalçı qiymətlərində 0,5% bahalaşma müşahidə olunub.
Mart ayında emal sənayesi bölməsində istehsalçı qiymətləri maşın və avadanlıqlardan başqa hazır metal məmulatlarının istehsalı üzrə 1,9%, tikinti məmulatlarının istehsalı üzrə 0,8%, ağac emalı və ağacdan məmulatların istehsalı üzrə 0,3% ucuzlaşıb, kimya sənayesi üzrə 9,8%, neft məhsullarının istehsalı üzrə 8,7%, elektrik avadanlıqlarının istehsalı üzrə 6,9%, maşın və avadanlıqların quraşdırılması və təmiri üzrə 6,6%, tütün məmulatlarının istehsalı üzrə 2,0%, qida məhsullarının və rezin və plastik kütlə məmulatlarının istehsalı üzrə 0,8%, kompüter və digər elektron avadanlıqların istehsalı üzrə 0,5%, içki istehsalı üzrə 0,4%, metallurgiya sənayesi üzrə 0,3%, toxuculuq sənayesi və dəri, dəridən məmulatların, ayaqqabıların istehsalı üzrə 0,2%, geyim istehsalı üzrə isə istehsalçı qiymətləri 0,1% bahalaşıb.
Ay ərzində elektrik enerjisi, qaz və buxar istehsalı, bölüşdürülməsi və təchizatı, su təchizatı, tullantıların təmizlənməsi və emalı bölmələri üzrə isə heç bir dəyişiklik müşahidə olunmayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
