"Əcnəbi işçilərin Azərbaycanda işə cəlb olunması məsələsinə Dövlət Miqrasiya Xidməti (DMX) çox diqqətlə yanaşır. Dövlət Xidməti olaraq bizim marağımızdadır ki, ilk növbədə Azərbaycan vətəndaşları işlə təmin olunsunlar".
APA-nın xəbərinə görə, bunu Dövlət Miqrasiya Xidmətinin rəisi, II dərəcəli dövlət miqrasiya xidməti müşaviri Firudin Nəbiyev Xəzər - Avropa İnteqrasiya İşgüzar klubunun üzvləri ilə görüşdə deyib.
Xidmət rəisi bildirib ki, Azərbaycanda əcnəbi işçilərin işə cəlb olunması kvota əsasında həyata keçirilir, bununla bağlı 2016-cı ildə qanun təsdiq olunub: "O iş yerlərinə ki, Azərbaycan vətəndaşı üçün vakant yer yoxdursa, ora xarici vətəndaşlar cəlb olunur. Artıq kvota məsələsində də azalma baş verib. Enerji sektorunda əgər əcnəbi işçi qüvvəsi 2012-ci ildə 30-35% idisə, artıq bu gün 8-10%-ə endirilib. Bu da Azərbaycanda olan şirkətlərin bəzi kadrların hazırlanmasına önəm verməsindən irəli gəlir. Biz bu məsələni diqqətdə saxlayırıq".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
