Bakı - APA-Economics. Bakı Ali Neft Məktəbində (BANM) “Yataqların işlənməsinin və dənizdə və quruda karbohidrogenlərin hasilatının müasir texnologiyaları” mövzusunda beynəlxalq seminar işinə başlayıb.
Məktəbdən “APA-Economics”ə verilən məlumata görə, rektor Elmar Qasımov seminarı açaraq, tədbirin “Əsrin müqaviləsi”nin 20-ci ildönümünə həsr olunduğunu qeyd edib.
ARDNŞ-ın dəstəyi ilə Böyük Britaniyanın “Confidence Capital ltd.” şirkəti ilə birlikdə keçirilən seminarın məqsədi Azərbaycanın neft-qaz yataqlarının işlənməsində, o cümlədən quruda və dənizdə karbohidrogenlərin hasilatı sahəsində əldə etdiyi təcrübənin xarici ölkələrin mütəxəssisləri arasında yayılmasıdır.
Bildirilib ki, seminarın məşğələlərini Neft-qaz mühəndisliyi kafedrasının müdiri, professor Arif Məmmədzadə və Böyük Britaniyadan dəvət olunmuş mütəxəssis Hernan De Kaso aparacaq. Dinləyicilər isə Azərbaycan, Rusiya və Ukraynanın neft-qaz sektorunun mütəxəssisləridir. Oktyabrın 8-9-da seminar iştirakçıları üçün neft-qaz yataqlarının ümumi xarakteristikaları, yataqların işlənməsinin tənzimlənməsi, neftveriminin artırılması üsulları, neft-qaz hasilatı texnologiyaları və s. məsələlər üzrə məruzələr təqdim olunacaq. Oktyabrın 10-11-də seminar iştirakçıları üçün “Neft Daşları”na səfər təşkil olunacaq və seminar 2 gün ərzində orada öz işini davam etdirəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
