«APA-Economics»in məlumatına görə, bunu jurnalistlərə açıqlamasında layiənin operatoru olan BP şirkətinin Azərbaycan, Gürcüstan və Türkiyə regionu üzrə prezidenti Qordon Birrel bildirib.
Onun sözlərinə görə, bu göstərici əvvəlki ilin səviyyəsində qalıb: «Bu il gözlənilən hasilatın həcmi hələ məlum deyil. Bu il neft hasilatının nə qədər olacağı «BP-Azerbaijan» tərəfindən Azərbaycan Dövlət Neft Şirkəti ilə razılaşdırılmalıdır. Düşünürük ki, bu rəqəm 2013-cü ildəkindən az olacaq».
Q.Birrel hasilatın azalmasını AÇG blokunda istismar olunan 2 platformanın bağlanması ilə əlaqəli olacağını bildirib: «Bu il «Mərkəzi Azəri» və «Qərbi Azəri» dəniz platformalarının fəaliyyəti tam dayandırılacaq. Quyulardan daha yaxşı və keyfiyyətli neft əldə etmək üçün buna böyük ehtiyac var. Platformaların nə zaman dayandırılacağının vaxtı ictimaiyyətə açıqlanacaq. Lakin düşünürük ki, bu platformaların dayandırılması müddəti çox uzun çəkməyəcək».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
