Bakı. Yeganə Laçınzadə - APA-Economics. BP Xəzər dənizindəki platformalarının birində əməliyyatları müvəqqəti olaraq dayandıracaq.
“APA-Economics”in “dailymail.co.uk” saytına istinadən verdiyi xəbərə görə, bu barədə BP-nin Azərbaycandakı nümayəndəliyindən məlumat verilib.
Onun sözlərinə görə, BP-nin Qərbi-Azərbaycan platformasında əməliyyatlar may ayının sonunda 3 həftəlik müddətə dayandırılacaq.
Qeyd edək ki, SOCAR-dakı mənbədən “Reuters”ə verilən xəbərə görə, mayın sonunda Xəzər dənizindəki digər bir platformada da əməliyyatlar təxirə salınacaq.