Bu ilin yanvar-may aylarında maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 97,4 mln. manatlıq məhsul istehsal edilib.
Dövlət Statistika Komitəsindən “APA-Economics”ə verilən məlumata görə, bu, əvvəlki ilin yanvar-may ayları ilə müqayisədə maşın və avadanlıqların istehsalı 18,7%, sair nəqliyyat vasitələrinin istehsalı isə 24,4% artıb.
Bu ilin 5 ayında Azərbaycanda cəmi 1 ədəd yük avtomobili istehsal olunub ki, bu da ötən ilin yanvar-may ayları ilə müqayisədə 91,1% azdır.
Bu ilin 5 ayında ölkədə 535 ədəd traktor istehsal edilib. Bu, ötən ilin eyni dövrü ilə müqayisədə 2,1 dəfə çoxdur. Nəticədə, bu ilin iyun ayının 1-nə 1 ədəd hazır məhsul ehtiyatı yaranıb. Bu müddət ərzində 21 ədəd minik avtomobili istehsal edilib ki, bu da iyun ayının 1-nə 132 ədəd hazır məhsul ehtiyatı yaradıb.
İlin 5 ayında ölkədə xüsusi təyinatlı kommunal maşınların istehsalı 1 470 ədəd olub ki, bu da 2016-cı ilin yanvar-may ayları ilə müqayisədə 5 dəfə çoxdur. Nəticədə, bu ilin iyun ayının 1-nə 602 ədəd hazır məhsul ehtiyatı yaranıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
