Bakı. Aqşin Rafiqoğlu – APA-Economics. Bu ilin yanvar-aprel aylarında Azərbaycanın magistral neft kəmərləri ilə 15,5 mln. ton neft nəql edilib.
“APA-Economics”in Dövlət Statistika Komitəsinə istinadən verdiyi məlumata görə, bu da ötən ilin yanvar-aprel ayları ilə müqayisədə 0,2% çoxdur. Nəqletmənin 77,5%-i Bakı-Tbilisi-Ceyhan neft ixrac kəməri ilə həyata keçirilib və bu ilin yanvar-aprel ayları ərzində bu kəmər vasitəsilə 12,0 mln. ton və ya 2,6% çox neft ötürülüb. Həmin dövrdə gəmilər vasitəsilə ölkəyə gətirilərək Səngəçal terminalından Bakı-Tbilisi-Ceyhan kəməri ilə 2,5 mln. ton tranzit Türkmənistan nefti nəql edilib.
Bu ilin yanvar-aprel aylarında Azərbaycanın magistral qaz kəmərləri ilə 8,1 mlrd. kubmetr qaz nəql edilib. Qazın nəqlinin 30,1%-i Bakı-Tbilisi-Ərzurum
Cənubi Qafqaz boru kəməri vasitəsilə həyata keçirilib və 2,4 mlrd. kubmetr qaz ötürülüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
