Bakı. Aqşin Rafiqoğlu - APA-Economics. Azərbaycan Dövlət Neft Şirkəti (ARDNŞ) bu ilin noyabr ayında Ceyhan limanından 1 012 477 ton xam neft ixrac edib.
ARDNŞ-dan “APA-Economics”ə verilən məlumata görə, bu, ötən ilin eyni dövrü ilə müqayisədə 44,7% azdır.
Ümumilikdə yanvar-noyabr ayları ərzində Ceyhan limanından 18 288 948 ton xam neft ixrac edilib. Bu, ötən ilin 11 ayı ilə müqayisədə 0,04% çoxdur.
ARDNŞ tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.