Bakı. Aqşin Rafiqoğlu – APA-Economics. "Günəşli” yatağındakı 10-cu dərin dəniz özülündə baş verən yanğın nəticəsində itkin düşən 23 nəfərin, o cümlədən "Neft Daşları"nın itkin düşən 3 əməkdaşının axtarışlarına Fövqəladə Hallar Nazirliyinin 1 təyyarəsi də cəlb edilib.
Bu barədə “APA-Economics”ə SOCAR-ın “Azneft” İstehsalat Birliyindən məlumat veriblər.
Bildirilib ki, Fövqəladə Hallar Nazirliyinin 4 helikopteri, 2 gəmisi, 1 təyyarəsi itkin düşmüş insanların axtarışını davam etdirir. Bundan başqa, nazirliyin əlavə canlı qüvvəsi Pirallahı ərazisində sahil boyu vizual axtarış edirlər.
Həmçinin, Sərhəd Xidmətinin 2 helikopteri və 2 gəmisi də axtarışla məşğul olur. SOCAR tərəfindən AZAL-dan sifariş edilmiş 2 helikopter də axtarışla məşğuldurlar.
Məlumata görə, yanğının söndürülməsi istiqamətində də işlər davam etdirilir və bu prosesə 5 gəmi cəlb olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
