Bakı. Aqşin Rafiqoğlu - APA-Economics. "Tikilməkdə olan STAR neft emalı zavodunda işlərin 54%-i yekunlaşıb". "APA-Economics" xəbər verir ki, bu barədə SOCAR-ın Türkiyədəki törəməsi olan "SOCAR Turkey Energy" şirkətinin baş direktoru Kənan Yavuz bildirib.
K. Yavuzun sözlərinə görə, hazırda neft emalı zavodunun tikintisində 8 200 nəfər işçi çalışır. O əlavə edib ki, ümumi həcmi 1,7 mln. kubmetr təşkil edən 75 tankerin inşası sürətlə davam edir.
"STAR zavodu 2018-ci ildə fəaliyyətə başladıqda, Türkiyənin 500 böyük şirkəti arasında ikinci olacaq. Belə bir möhtəşəm layihəyə imza atmaqdan qürur duyuruq", - deyə baş direktor qeyd edib.