Ötən il Azərbaycanda qeyri-neft məhsullarının ixracı 24,4 artıb.
“APA-Economics”in məlumatına görə, bunu iqtisadiyyat nazirinin müavini Sahil Babayev bu gün ixracla bağlı keçirilən mətbuat konfransında bildirib.
Nazir müavinin sözlərinə görə, bir il ərzində bu rəqəm 1 mln. 540 min dolları keçib. O bildirib ki, ötən il sənaye məhsullarının ixracı 21%, kənd təsərrüfatı məhsullarının ixracı 28% artıb.
S. Babayev deyib ki, ötən il ixrac edilən ölkələrin sayında da artım var və ölkəmizin ixrac etdiyi ölkələrin sayı 187 ölkəyə çatıb. 160-dan çox Azərbaycan şirkətinə hüquqi yardımlar göstərilib, ixracla bağlı müxtəlif xidmətlər göstərilib.
Nazir müavini qeyd edib ki, bu günə qədər 16 ədəd müxtəlif ixracyönümlü assosiasiya yaradılıb.