Bakı. Aqşin Rafiqoğlu – APA-Economics. Azərbaycan Dövlət Neft Şirkəti (SOCAR) Ukraynanın yanacaq bazarında mövqeyini möhkəmlətməkdə davam edir.
ARDNŞ-dən “APA-Economics”ə verilən məlumata görə, Odessada “SOCAR” brendi ilə yeni yanacaqdoldurma məntəqəsi istifadəyə verilib. Bu, sayca Odessada 11-ci, bütün Ukrayna üzrə isə 43-cü “SOCAR” yanacaqdoldurma kompleksidir.
Ümumi sahəsi 123,5 kv. metr olan məntəqədə eyni zamanda 6 avtomobilin yanacaqla təchiz edilməsinə imkan verən 3 ikitərəfli paylayıcı qurğu fəaliyyət göstərir. YDM-də Polşa, Litva və Belarusun emal zavodlarında istehsal olunan, “Avro-5” standartlarına uyğun A-92, A-95, A-95 “Nano” benzinləri, “Nano” dizel yanacağı reallaşdırılır.
Təkərlərin doldurulması, avtomobilin su təchizatı, parkinq, mobil telefonların enerji təchizatı kimi xidmətlər pulsuzdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
