Bakı. Aqşin Rafiqoğlu - APA-Economics. SOCAR-ın "Günəşli” yatağındakı 10-cu dərin dəniz özülündə baş verən yanğın nəticəsində itkin düşən 23 nəfərin, o cümlədən itkin düşən "Neft Daşları"nın 3 əməkdaşının axtarışları davam edir.
"APA-Economics"in məlumatına görə, bunu SOCAR-ın “Azneft” İstehsalat Birliyinin baş mühəndisi Balamirzə Ağarəhimov yaradılan operativ qərargahda keçirilən brifinqdə bildirib.
"Bu gün səhər saatlarından hava şəraitinin pis olmasına baxmayaraq, Fövqəladə Hallar Nazirliyinə (FHN) məxsus, o cümlədən SOCAR tərəfindən AZAL-dan götürülən helikopterlərlə axtarışlar davam etdirilib. Sualtı axtarış işləri müvəqqəti olaraq dayandırılıb. Hər-hansı məlumat daxil olsa, gəmilər sahəyə yaxınlaşacaqlar", - deyə B. Ağarəhimov bildirib.
Baş mühəndis əlavə edib ki, yanğın hələ də söndürülməyib, lakin bu istiqamətdə görülən tədbirlər davam etdirilir: "Hazırda yanğının söndürülməsi ilə 5 gəmi məşğuldur. Hava şəraitinin pisləşməsi ilə əlaqədar yanğının söndürülməsini yekunlaşdıra bilməmişik. Yanğının miqyasında artım yoxdur".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
