Bakı. Yeganə Laçınzadə - APA-Economics. 2015-ci ilin yanvar ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 mln. 470 min 53 ton Azərbaycan nefti nəql olunub.
Azərbaycan Dövlət Neft Şirkətindən “APA-Economics”ə verilən məlumata görə, ümumiyyətlə, kəmər istifadəyə verilən gündən 2015-ci il fevral ayının 1-ə qədər BTC-yə 266 mln. 309 min 899 ton neft vurulub.
Bundan başqa, cari ilin yanvar ayında BTC kəməri ilə ümumilikdə 602,066 min ton Türkmənistan və Qazaxıstan nefti nəql olunub.