Azərbaycan Dövlət Neft Şitkətinin (SOCAR) Gürcüstandakı yanacaqdoldurma məntəqələrində (YDM) günəş enerjisindən istifadə olunacaq.
APA-nın yerli bürosunun məlumatına görə, bu barədə “Socar Georgia Petroleum” şirkətinin direktoru Levan Giorqadze yerli “The Financial” nəşrinə müsahibəsində deyib.
O bildirib ki, şirkət YDM-lərin dam örtüyünə günəş panellərinin quraşdırılması imkanlarını təhlil edir: “Biz 5 il ərzində yanacaqdoldurma məntəqələrimizin elektrik enerjisinə olan tələbatının 20-30%-nin günəş enerjisi hesabına ödənilməsini nəzərdə tuturuq”.
L. Giorqadze həmçinin SOCAR-ın YDM-lərində elektrik avtomobillərin yüklənməsi üçün portların sayının artırdığını da qeyd edib: “Ümumilikdə 7 yanacaqdoldurma məntəqəmizdə elektrik avtomobillərin yüklənməsi üçün aparatlar quraşdırılıb. Bu, bizim müştərilərə bütün Gürcüstan üzrə, Telavidən Batumiyə qədər elektrik avtomobillə səyahət etmək imkanı verir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
