2018-ci ilin yanvar 1-nə “EKOL mühəndislik xidmətləri" QSC-nin aktivləri 12 mln. 596 min manat təşkil edib ki, bu da 2016-cı il ilə müqayisədə 9,2% azalma deməkdir.
“APA-Economics” xəbər verir ki, aktivlərin 7 mln. 377 min manatı uzunmüddətli, 5 mln. 219 min manatı isə qısamüddətlidir.
Hesabat dövründə dövlət şirkətinin öhdəlikləri 2,07% azalaraq 1 mln. 565 min manat olub.
Ötən il ərzində QSC-nin nizamnamə kapitalı dəyişməyərək 4 mln. 72 min manat olaraq qalıb. Şirkətin cəmi kapitalı isə 2017-ci ildə 9,45% azalaraq 11 mln. 31 min manat olub.
Hesabat dövründə “EKOL mühəndislik xidmətləri"nin gəlirləri 12,94%, xərcləri 24,72% artıb. Nəticədə şirkət ötən ilin 1 mln. 151 min manat zərərlə başa vurub.
Qeyd edək ki, “EKOL mühəndislik xidmətləri" QSC-nin səhmdarları SOCAR və “Lancer Services S.A” şirkətidir. SOCAR-ın şirkətdəki payı 51,0019%, “Lancer Services S.A”nın isə 48,9981%-dir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
