Bakı. Aqşin Rafiqoğlu – APA-Economics. Bu gün Azərbaycan Dövlət Neft Şirkəti (SOCAR) və onun törəmə şirkətləri 18 Hasilatın Pay Bölgüsü sazişi üzrə 15 ölkəni təmsil edən 25 şirkətlə əməkdaşlıq edir.
“APA-Economics”in məlumatına görə, bu barədə SOCAR prezidenti Rövnəq Abdullayev “Azərbaycan” qəzetində dərc olunan yazısında bildirib.
R. Abdullayev qeyd edib ki, birgə layihələrin iştirakçıları tərəfindən ölkənin neft-qaz sektoruna 55 mlrd. ABŞ dolları həcmində sərmayə qoyulub: “Təsis etdiyimiz 37 Birgə Müəssisə və 7 Alyans neft və qaz sənayesinin, demək olar, bütün sahələrində uğurla fəaliyyət göstərir. “Əsrin müqaviləsi” Azərbaycan iqtisadiyyatına yeni nəfəs gətirib”.
SOCAR prezidenti deyib ki, son 20 ildə “Azəri-Çıraq-Günəşli” layihəsinə 3 000-dən artıq yerli müəssisə və şirkət cəlb olunub: “Sənayenin lokomotivi rolunu oynayan neft sektoru ilə bərabər, qeyri-neft sektoru da güclənmiş, ümumi daxili məhsulda onun xüsusi çəkisi artıb”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
