Bu ilin fevral ayında SOCAR tərəfindən 576,2 min ton neft hasil edilib.
"APA-Economics" SOCAR-ın statistik rəqəmlərinə istinadən xəbər verir ki, bu, ötən ilin fevral ayı ilə müqayisədə 4,76%, bu ilin yanvar ayı ilə müqayisədə isə 10,68% azdır.
Bu ilin yanvar-fevral aylarında ümumilikdə SOCAR tərəfindən 1 mln. 221,3 min ton neft hasil edilib ki, bu da 2016-cı ilin iki ayı ilə müqayisədə 2,45% azdır.
Qeyd edək ki, bu ilin yanvar ayında SOCAR tərəfindən 645,1 min ton neft hasil edilib.
Bu ilin fevral ayında ölkə üzrə 2 mln. 975,7 min ton neft hasil edilib. Bu, ötən ilin eyni ayı ilə müqayisədə 10,88% azdır. Bu ilin yanvar ayı ilə müqayisədə isə bu rəqəm 11,63% azdır.
Bu ilin yanvar-fevral aylarında ümumilikdə ölkə üzrə 6 mln. 343,2 min ton neft hasil edilib ki, bu da 2016-cı ilin iki ayı ilə müqayisədə 7,50% azdır.
Qeyd edək ki, bu ilin yanvar ayında ölkə üzrə 3 mln. 367,5 min ton neft hasil edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
