Bakı. Aqşin Rafiqoğlu - APA-Economics. Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsi ötən ilin dekabr ayında 99 ton avtomobil benzini ixrac edib.
“APA-Economics”in SOCAR-a istinadən verdiyi məlumata görə, bu, daha əvvəlki 2013-cü ilin eyni ayı ilə müqayisədə 90,4% çoxdur.
Ötən ay SOCAR 106 205 ton dizel yanacağı ixrac edib ki, bu da 2013-cü ilin dekabr ayı ilə müqayisədə 40,4% çoxdur. Dekabr ayında 20 618 ton təyyarə yanacağı idxal edilib ki, bu analoji dövrlə müqayisədə 34% çoxdur.
Eyni zamanda dekabr ayında SOCAR tərəfindən 119 ton soba mazutu ixrac edilib.
Ümumilikdə, ötən ilin yanvar-dekabr ayları ərzində 9 432 ton avtomobil benzini ixrac edilib ki, bu da 2013-cü ilin 12 ayı ilə müqayisədə 33,8% azdır.
2014-cü ilin 12 ayı ərzində 2013-cü ilin analoji dövrü ilə müqayisədə SOCAR tərəfindən 10,3% çox və ya 992 725 ton dizel yanacağı, 49,8% çox və ya 196 729 ton təyyarə yanacağı və eyni səviyyədə, yəni 657 ton soba mazutu ixrac edilib.
Ötən ilin dekabr ayında dünya bazarında etilləşdirilmiş benzinin qiyməti (1 ton üçün) - 563,85 dollar, təyyarə yanacağının - 608,02 dollar, dizel yanacağının - 555,23 dollar, 1% kükürdlü mazutun qiyməti 323,98 dollar təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
