Bakı. Aqşin Rafiqoğlu - APA-Economics. Azərbaycan Dövlət Neft Şirkəti (SOCAR) ötən ilin dekabr ayında Novorossiysk limanından xam neftin ixracını həyata keçirməyib.
SOCAR-dan “APA-Economics”ə verilən məlumata görə, 2013-cü ilin dekabr ayında bu kəmərlə 169 363 ton neft ixrac olunub.
Ümumilikdə, yanvar-dekabr ayları ərzində Novorossiysk limanından 932 155 ton xam neft ixrac edilib. Bu isə 2013-cü ilin 12 ayı ilə müqayisədə 46,8% azdır.
SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.