Bakı. Aqşin Rafiqoğlu - APA-Economics. Bu ilin mart ayında Azərbaycan Dövlət Neft Şirkəti (SOCAR) tərəfindən 580,4 min kubmetr qaz hasil edilib.
“APA-Economics”in SOCAR-ın statistik rəqəmlərinə istinadən verdiyi məlumata görə, bu, 2014-cü ilin eyni ayı ilə müqayisədə 14,7% azdır. Bu ilin fevral ayı ilə müqayisədə isə SOCAR-ın qaz hasilatı 11,8% artıb.
Bu ilin yanvar-mart aylarında SOCAR tərəfindən ümumilikdə 1 669,7 min kubmetr qaz hasil edilib ki, bu da 2014-cü ilin ilk üç ayı ilə müqayisədə 16,4% azdır.
Qeyd edək ki, bu ilin yanvar ayında SOCAR tərəfindən 570,2 min kubmetr, fevral ayında isə 519,1 min kubmetr qaz hasil edilib.
Bu ilin mart ayında bütün ölkə üzrə 2 589,4 min kubmetr qaz hasil edilib ki, bu da 2014-cü ilin eyni ayı ilə müqayisədə 0,17% azdır. Bu ilin fevral ayı ilə müqayisədə isə bu rəqəm 11,1% çoxdur.
Bu ilin yanvar-mart aylarında bütün ölkə üzrə ümumilikdə 7 415,4 min kubmetr qaz hasil edilib ki, bu da 2014-cü ilin ilk rübü ilə müqayisədə 3,4% azdır.
Qeyd edək ki, bu ilin yanvar ayında Azərbaycanda ölkə üzrə 2 496 min kubmetr, fevral ayında isə 2 330 min kubmetr qaz hasil edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
