Bu ilin yanvar-oktyabr aylarında SOCAR 4 mlrd. 999 mln. kubmetr qaz hasil edib ki, bu da ötən ilin müvafiq dövrünün göstəricisindən 4,1% azdır.
“APA-Economics”in xəbərinə görə, bu barədə SOCAR-ın statistik məlumatlarında bildirilir.
Bu ilin oktyabr ayında respublika üzrə qaz hasilatı 541,2 mln. kubmetr həcmində olub ki, bu da ötən ilin oktyabr ayı ilə müqayisədə 7,44% çoxdur. Bu ilin sentyabr ayı ilə müqayisədə isə qaz hasilatı 8,52% çoxdur.
Bu ilin yanvar-oktyabr aylarında Azərbaycan üzrə 23 mlrd. 667,3 mln. kubmetr qaz hasil edilib ki, bu da ötən ilin on ayı ilə müqayisədə 4% azalma deməkdir.
Ölkə üzrə oktyabr ayında 2 mlrd. 549,3 mln. kubmetr qaz hasil edilib ki, bu da ötən ilin oktyabr ayı ilə müqayisədə 8,52% çoxdur. Bu ilin sentyabr ayı ilə müqayisədə isə ölkə üzrə qaz hasilatı 5,6% artıb.
SOCAR 2016-cı ildə 6 mlrd. 266,7 mln. kubmetr qaz hasil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
