Bakı. Yeganə Laçınzadə - APA-Economics. Trans Adriatik Boru kəməri (TAP) konsorsiumunda yeni təyinatlar baş tutub.
Konsorsiumdan "APA-Economics"ə verilən məlumata görə, Norman İnqram layihə rəhbəri, Martin Meyer isə əməliyyatlar üzrə rəhbər vəzifəsinə təyin edilib.
Adıçəkilən şəxslər hər iki vəzifənin icrasını TAP-ın İsveçrənin Baar şəhərindəki baş ofisində həyata keçirəcəklər.
TAP-ın baş icraçı direktoru Yan Bredşou (Ian Bradshaw) N. İnqram və M. Meyerin ölkə xaricində əsas qaz infrastruktur layihələrində kifayət qədər təcrübəsinin olduğunu qeyd edib: "Mən çox şadam ki, onlar TAP-ın idarəetmə komandasına qoşulublar. Biz 2020-ci ildə “Şahdəniz”dən ilk qazın əldə edilməsi üçün TAP-ın növbəti və sonuncu mərhələsi – layihənin tikintisi mərhələsinə hazırlaşırıq".
Qeyd edək ki, N. İnqram bundan əvvəl Avstraliyada “BG Group”da boru kəmərlərinin layihə rəhbəri, Martin Meyer isə Əbu-Dabi Milli Neft Şirkətinin ƏL-Hüsn qaz layihəsində istehsalat üzrə direktor vəzifəsində çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
