Bakı. Aqşin Rafiqoğlu – APA-Economics. Trans-Adriatik Boru Kəməri (TAP) konsorsiumunun Gürcüstanda səfərdə olan nümayəndələri Azərbaycan Dövlət Neft Şirkətinin (ARDNŞ) nümayəndəliyində olub, sonra Gürcüstanın energetika naziri Kaxa Kaladze ilə görüş keçiriblər.
ARDNŞ-dən “APA-Economics”ə verilən məlumata görə, görüşdə TAP Direktorlar Şurasının sədri Byarne Bull-Berq, TAP-ın icraçı direktoru Kyetil Tunqland, Azərbaycanın Gürcüstandakı səfiri Azər Hüseyn, ARDNŞ prezidentinin müşaviri Murad Heydərov, ARDNŞ-nin Gürcüstan Nümayəndəliyinin rəhbəri Mahir Məmmədov iştirak ediblər.
Qeyd edək ki, “Şahdəniz” konsorsiumu ötən ilin dekabrında “Şahdəniz” yatağının işlənilməsinin ikinci mərhələsi çərçivəsində Azərbaycan qazının nəqli marşrutunun Gürcüstan, Türkiyə, Yunanıstan və Albaniya vasitəsilə müəyyən olunması barədə qərar qəbul edib. TAP həmin marşrutun Yunanıstandan Albaniya və Adriatik dənizi vasitəsilə İtaliyanın cənubuna uzanan hissəsidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
