APA-nın xəbərinə görə, bunu Qazaxıstanın Müstəqillik Gününə həsr olunmuş mətbuat konfransında Qazaxıstanın Azərbaycandakı səfiri Amangeldi Jumabayev deyib. O bildirib ki, iki ölkə rəhbərliyi Dağlıq Qarabağ, Əfqanıstan və digər problemlər üzrə ümumi baxışlara malikdir.
Səfir 2013-cü ilin yanvar-sentyabr aylarında Qazaxıstanla Azərbaycan arasında xarici ticarət həcminin 209 milyon 325 min dollar təşkil etdiyini söyləyib. O, gələn il Bakı-Tiflis-Qars dəmir yolunun açılacağını xatırladıb və Qazaxıstanın öz məhsullarının bu marşrut üzrə nəqlində maraqlı olduğunu vurğulayıb: “Azərbaycan şirkəti Aktau limanında soyuducu sistemlərlə təchiz olunmuş logistik mərkəz inşa etməyi planlaşdırır. Bunun sayəsində il boyu meyvə-tərəvəz məhsulları göndərmək mümkün olacaq”.
Qarşıdakı planlara toxunan A. Jumabayev deyib ki, 2014-cü ilin ilk kvartalında xarici işlər nazirlərinin müavinləri səviyyəsində XİN-lərarası məsləhətləşmələr planlaşdırılıb: “2014-cü ilin yazında Qazaxıstan Məclisinin sədri Nurlan Niqmatullin Azərbaycana səfər edəcək. Gələn il Azərbaycan Milli Məclisinin sədri Oqtay Əsədovun da Qazaxıstana cavab səfəri olacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
