Bakı. Ramiz Mikayıloğlu - APA. Azərbaycanda at cinslərinin yetişdirilməsi ilə məşğul olan Kənd Təsərrüfatı Nazirliyinin tabeliyində olan təsərrüfat hesablı müəssisələrin statusu dəyişdirilib.
APA-nın məlumatına görə, Nazirlər Kabinetinin qərarına əsasən, Kənd Təsərrüfatı Nazirliyinin tabeliyində olan Ağdam rayonundakı “Atçılıq zavodu” Məhdud Məsuliyyətli Cəmiyyətinin adı dəyişdirilərək, “Ağdam atçılıq təsərrüfatı” Məhdud Məsuliyyətli Cəmiyyəti adlandırılıb və Kənd Təsərrüfatı Nazirliyinin Heyvandarlıq Elmi-Tədqiqat İnstitutunun tabeliyinə verilib.
Eyni zamanda Ağstafa rayonundakı “Ağstafa atçılıq zavodu” “Dilbaz” atçılıq dövlət kənd təsərrüfatı istehsalı müəssisəsi” Məhdud Məsuliyyətli Cəmiyyəti ilə birləşdirilərək, “Dilbaz” atçılıq təsərrüfatı” Məhdud Məsuliyyətli Cəmiyyəti yaradılıb və Kənd Təsərrüfatı Nazirliyinin Heyvandarlıq Elmi-Tədqiqat İnstitutunun tabeliyinə verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
