Sosial

Ana səhifə

Sosial

Yaxın üç gün ərzində Azərbaycan ərazisində kəskin hava şəraiti hökm sürəcək, yollar buz bağlayacaq

15 dekabr 2008 11:46 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya bildirib ki, bu müddətdə ölkə ərazisində hava şəraiti yağıntılı olacaq, bəzi yerlərdə sulu qar və qar yağacağı gözlənilir. Ayrı-ayrı rayonlarda yağıntının intensiv olacağı var. Şimal-qərb küləyi əsəcək, dekabrın 17-də küləyin sürəti arabir güclənəcək.

Yaxın üç gün ərzində Bakı və Abşeron yarımadasında hava buludlu olacaq, arabir açılacaq. Dekabrın 16-da gecə və səhər yarımadanın bəzi yerlərində sulu qar və qar yağacağı, dekabrın 17-də də yarımadanın bəzi yerlərində yağıntının davam edəcəyi gözlənilir.

Dekabrın 16 və 17-də yolların buz bağlayacağı ehtimalı var. Dekabrın 16-17-də havanın temperaturu gecə 0-3 dərəcə şaxta, gündüz 1-4 dərəcə isti, dekabrın 18-də gecə 1 dərəcə şaxtadan 2 dərəcəyədək isti, gündüz 2-4 dərəcə isti olacaq.

Yaxın üç gün ərzində dağlıq və dağətəyi rayonlarda qar yağacağı gözlənilir.

Azərbaycan_hava