Sosial

Ana səhifə

Sosial

Yanvar ayında Azərbaycan ərazisində havanın temperaturu iqlim normasına yaxın olacaq

05 yanvar 2009 11:34 (UTC +04:00)

Bakı. İlhamə İsabalayeva - APA. Yanvar ayında Azərbaycan ərazisində havanın orta aylıq temperaturunun çoxillik iqlim normasına yaxın, bəzi rayonlarda isə 1-2 dərəcə yüksək olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən məlumata görə, aylıq yağıntının miqdarının da respublika üzrə iqlim norması daxilində, bəzi ərazilərdə isə normadan bir qədər çox olacağı ehtimalı var. Ayın əvvəlində tez-tez güclü şimal küləyinin güclü cənub-qərb küləyi ilə əvəz olunacağı ehtimalı var.

Yanvar ayı ərzində Bakı və Abşeron yarımadasında ayın birinci yarısında orta aylıq temperaturun 5-7 dərəcə isti olacağı gözlənilir ki, bu da iqlim normasından 1 dərəcə yüksəkdir. Üçüncü ongünlükdə isə aylıq temperatur 2-4 dərəcə isti təşkil edəcək.
Gecələr havanın temperaturu 2-4 dərəcə isti, ayrı-ayrı günlərdə 0-2 dərəcə şaxta, ayın son günlərində isə 2-4 dərəcə şaxta olacaq. Gündüzlər 5-9 dərəcə isti, ayrı-ayrı günlərdə 1-3 dərəcə isti gözlənilir. Aylıq yağıntının miqdarının iqlim normasına yaxın və (norma 18-28 mm) və bir qədər çox olacağı proqnozlaşdırılır.

Naxçıvan Muxtar Respublikasında havanın orta aylıq temperaturu ayın birinci yarısında 0-3 dərəcə isti gözlənilir ki, bu da iqlim normasından 2 dərəcə yüksəkdir. Üçüncü ongünlükdə isə 2-5 dərəcə şaxta təşkil edəcək. Gecələr havanın temperaturu 5-10 dərəcə şaxta, ayrı-ayrı günlərdə 15-18 dərəcə şaxta, üçüncü ongünlüyün bəzi günlərində isə 23-25 dərəcə şaxta olacaq. Gündüzlər havanın temperaturunun 2 dərəcə şaxtadan 3 dərəcəyədək isti, ayrı-ayrı günlərdə 5-7 dərəcə şaxta, ayın sonunda isə 10-13 dərəcə şaxta gözlənilir. Yağıntının aylıq miqdarının iqlim normasına yaxın (norma 14-25 mm) olacağı proqnozlaşdırılır.

Yuxarı Qarabağ-Xankəndi, Xocavənd, Zəngilan, Qubadlı, Şuşa, Xocalı, Laçın, Kəlbəcər, Daşkəsən-Gədəbəy zonalarında havanın orta aylıq temperaturunun 1 dərəcə şaxtadan 2 dərəcəyədək isti olacağı gözlənilir ki, bu da iqlim normasından 1-2 dərəcə yüksəkdir. Üçüncü ongünlükdə isə 3-5 dərəcə şaxta olacaq. Gecələr 3-8 dərəcə şaxta, ayrı-ayrı günlərdə 13-18 dərəcə şaxta qeydə alınacaq. Gündüzlər 1 dərəcə şaxtadan 4 dərəcəyədək isti, ayrı-ayrı günlərdə 2-5 dərəcə şaxta gözlənilir. Yağıntının aylıq miqdarının iqlim normasına (norma 16-24 mm) yaxın, bəzi yerlərdə isə bir qədər çox olacağı proqnozlaşdırılır.

Qazax-Gəncə, Tərtər, Ağdam-Füzuli-Cəbrayılda havanın orta aylıq temperaturu 2-4 dərəcə isti gözlənilir ki, bu da iqlim normasından 1-2 dərəcə yüksəkdir. Üçüncü ongünlükdə isə temperatur 0 dərəcəyə yaxın olacaq. Gecələr 2 dərəcə şaxtadan 3 dərəcəyədək isti, ayrı-ayrı günlərdə 5-7 dərəcə şaxta, gündüzlər 4-8 dərəcə isti, ayrı-ayrı günlərdə 0-4 dərəcə şaxta gözlənilir. Aylıq yağıntının miqdarının iqlim normasına yaxın (norma 10-32 mm) yaxın, bəzi yerlərdə isə bir qədər çox olacaq.

Balakən-Şəki-Zaqatala-Qəbələ, Şamaxı-İsmayıllı, Xızı, Siyəzən-Dəvəçi, Quba-Qusar-Xaçmazda havanın orta aylıq temperaturunun 1 dərəcə şaxtadan 3 dərəcəyədək isti olacağı gözlənilir ki, bu da iqlim normasından 1 dərəcə yüksəkdir. Üçüncü ongünlükdə isə 1-3 dərəcə şaxta, gecələr 0-5 dərəcə şaxta, ayrı-ayrı günlərdə 7-12 dərəcə şaxta olacaq. Gündüzlər 1-6 dərəcə isti, ayrı-ayrı günlərdə 3-8 dərəcə şaxta gözlənilir. Yağıntının aylıq miqdarının iqlim normasına yaxın (norma 22-49 mm), bəzi yerlərdə isə bir qədər çox olacağı proqnozlaşdırılır.

Mərkəzi Aran rayonlarında - Mingəçevir, Yevlax, Kürdəmir, İmişli, Şirvan, Sabirabad, Biləsuvar, Salyan, Neftçalada havanın orta aylıq temperaturu 5-7 dərəcə isti gözlənilir ki, bu da iqlim normasından 2 dərəcə yüksəkdir. Üçüncü ongünlükdə isə temperatur 2-4 dərəcə isti təşkil edəcək. Gecələr 0-4 dərəcə isti, ayrı-ayrı günlərdə 2-5 dərəcə şaxta, gündüzlər 6-11 dərəcə isti, ayrı-ayrı günlərdə 1 dərəcə şaxtadan 3 dərəcəyədək isti gözlənilir. Yağıntının aylıq miqdarının iqlim normasına yaxın (norma 17-30 mm) olacağı proqnozlaşdırılır.

Masallı-Lənkəran-Astara-Lerik-Yardımlıda havanın orta ayrıq temperaturu 5-7 dərəcə isti gözlənilir ki, bu da iqlim normasından 2 dərəcə yüksəkdir. Üçüncü ongünlükdə isə temperatur iqlim normasından 3-4 dərəcə yüksək olacaq. Gecələr 1-3 dərəcə isti, ayrı-ayrı günlərdə 4 dərəcəyədək şaxta, gündüzlər 6-11 dərəcə isti, ayrı-ayrı günlərdə 0-4 dərəcə isti gözlənilir. Yağıntının aylıq miqdarının iqlim normasına yaxın, bəzi yerlərdə isə (norma 63-98 mm) bir qədər çox olacağı proqnozlaşdırılır.

Azərbaycan_hava