Sosial

Ana səhifə

Sosial

Füzuli Ələkbərov: “Məzuniyyətə göndərilmiş 3 minə yaxın işçi yenidən işə bərpa edilib”

23 yanvar 2009 11:53 (UTC +04:00)

Ona görə də biz iqtisadiyyatda və məşğulluq strukturunda dəyişiklikləri nəzərə alaraq öz siyasətimizi qurmalı və tədbirimizi görməliyik. Ümid edirəm ki, bunun nəticəsində Azərbaycanın regionlarında canlanma baş verəcək”. APA-nın məlumatına görə, bu sözləri əmək və əhalinin sosial müdafiəsi naziri Füzuli Ələkbərov dünyada baş verən maliyyə böhranının Azərbaycanın məşğulluq siyasətinə təsirinə münasibət bildirərkən deyib. Nazir qeyd edib ki, Bakıda əhalinin iqtisadi fəallığı daha yüksək olduğundan kənd əhalisinin böyük qismi paytaxta üz tutub: “Rayonların infrastrukturu inkişaf etdikcə əhalinin bir hissəsi yenidən öz doğma yerlərinə qayıdacaq”.

F. Ələkbərov bildirib ki, beynəlxalq maliyyə böhranı ilə əlaqədar Azərbaycanın bəzi müəssisələri öz işçiləri ilə əmək müqaviləsini dayandırsa da, məzuniyyətə göndərilmiş 3 minə yaxın işçi yenidən işə bərpa edilib. O, Azərbaycanda 52100-ə yaxın müəssisənin fəaliyyət göstərdiyini, 156 müəssisədə 1000 nəfərdən çox, 50-yə qədər müəssisədə 100-ə yaxın, qalanlarında isə 500-1000 nəfərin çalışdığını açıqlayıb: “Ötən il ərzində nazirlik 3463 müəssisə ilə birbaşa əlaqə qurub. Bu 3463 müəssisədə işləyən 244 min işçidən cəmi 2 minə yaxınının əmək müqaviləsi dayandırılıb. Bu da 0,86 faiz edir. Daha çox faiz isə işçilərin müddətsiz, ödənişsiz məzuniyyətə göndərilməsi ilə bağlıdır. Məzuniyyətə göndərilmiş 3 minə yaxın işçi yenidən işə bərpa olunub. Bu da yeni sifarişlərin yaranmasından irəli gəlib. Bu müəssisələr əsasən ixrac yönümlüdür. Xaricdən yeni sifarişlər gəldiyi üçün Azərbaycan müəssisələri də öz işçilərini yenidən iş yerlərinə dəvət ediblər”.